გასვლითი საინფორმაციო შეხვედრა სსიპ ვახტანგ პაპუნიძის სახელობის დაბა ქედის საჯარო სკოლასა და სსიპ სოფელ ახოს №1 საჯარო სკოლაში

ამჯერად, ბუსსს ანრის პროფესიულ სტუდენტთა თვითმმართველობისა და ადმინისტრაციის წარმომადგენლები იმყოფებოდნენ სსიპ ვახტანგ პაპუნიძის სახელობის დაბა ქედის საჯარო სკოლასა და სსიპ სოფელ ახოს №1 საჯარო სკოლაში.

მოსწავლეები გაეცნენ ბუსსს ანრის პროფესიულ საგანმანათლებლო პროგრამებს, სასწავლო გარემოსა და კარიერულ შესაძლებლობებს.

ყურადღება გამახვილდა ერთიანი ეროვნული გამოცდების მიმდინარე რეგისტრაციაზე (რომელიც გაგრძელდება 11 მაისის ჩათვლით) — აბიტურიენტებს შეუძლიათ საბაკალავრო პროგრამებთან ერთად პროფესიული მიმართულებების არჩევა.

პრეზენტაციის დასრულების შემდეგ შეხვედრები კითხვა-პასუხის ფორმატში გაგრძელდა.

გასვლითი შეხვედრები ორგანიზებული იყო პრაქტიკის, კარიერის დაგეგმვისა და პროფესიულ სტუდენტებთან ურთიერთობის განყოფილების მიერ.

საინფორმაციო შეხვედრები გაგრძელდება როგორც სხვადასხვა სკოლაში ვიზიტებით, ასევე ბუსსს ანრიში სხვადასხვა სკოლების მოსწავლეების მოწვევით.