ა/წ 21 ნოემბერს, აჭარის ხარიტონ ახვლედიანის სახელობის მუზეუმში ჩატარდა გამოფენა „ნაოსნობის ისტორიიდან – სამხრეთ დასავლეთ საქართველოში“.

წარმოდგენილი იყო სანაოსნო მემკვიდრეობის მნიშვნელოვანი ექსპონატები: ნავის მაკეტი, თევზჭერის ბადეები, ისტორიული რუკები, საარქივო ფოტოები, ბაჟის წიგნის ასლი, ზღვის ნიჟარები, თევზის ფიტულები და სავაჭრო ტვირთის ატრიბუტიკა.

გამოფენის ფარგლებში მუზეუმის მმართველმა ოთარ გოგოლიშვილმა ისაუბრა რეგიონში ნაოსნობის ისტორიული განვითარების შესახებ. ასევე ნაჩვენები იყო პროფესორ მალხაზ ჩოხარაძის დოკუმენტური ფილმი „ამბავი ჭოროხზე ნაოსნობისა“.

გამოფენას ესწრებოდნენ ბუსსს ანრის სასწავლო პროცესის მენეჯერი - მაია დავითიანი, პროფესიულ სტუდენტთა პირადი საქმეების რეგისტრაციის,მობილობისა და რეესტრის მწარმოებელი - მარიამ დიასამიძე და პროფესიული განათლების მასწავლებელი - მირანდა ჭინკაძე-ბაბუნაშვილი.

ბუსსს ანრი მადლობას უხდის გამოფენის ორგანიზატორებს და უსურვებს დასახული მიზნების წარმატებით განხორციელებას!