შეხვედრა მოქმედ კაპიტან გურამ შანიძესთან
21 ნოემბერს ბუსსს ანრის პროფესიულ სტუდენტებთან გაიმართა შეხვედრა მოქმედ კაპიტან გურამ შანიძესთან.
შეხვედრის ფარგლებში კაპიტანმა პროფესიულ სტუდენტებს გაუზიარა საკუთარი მრავალწლიანი საზღვაო გამოცდილება, პროფესიის არსი, ეკიპაჟში პასუხისმგებლობებისა და დისციპლინის მნიშვნელობა, ასევე კარიერული განვითარების ძირითადი ეტაპები.
პროფესიული სტუდენტებისთვის განსაკუთრებით საინტერესო იყო საუბარი რეალურ პრაქტიკულ სიტუაციებზე — პირველ როტაციაზე, საერთო გამოწვევებზე, მეზღვაურის ყოველდღიურობაზე და იმ პროფესიულ უნარებზე, რომლებიც აუცილებელია საერთაშორისო სტანდარტებთან შესაბამისობისთვის.
შეხვედრა გაგრძელდა კითხვა-პასუხის რეჟიმში, სადაც მონაწილეებმა დასვეს მათთვის მნიშვნელოვანი კითხვები — გემზე ადაპტაციიდან დაწყებული ეკიპაჟთან თანამშრომლობით და კარიერული ზრდის პერსპექტივებით დასრულებული.
ბუსსს ანრი მადლობას უხდის კაპიტან გურამ შანიძეს გაზიარებული ღირებული გამოცდილებისათვის.