ბუსსს ანრის ხელმძღვანელობის მხარდაჭერით და ზრდასრულთა განათლების ინსტიტუტი • Institute of Adult Education -ის ორგანიზებით, ა/წ 12, 13 და 14 ნოემბერს, Zoom პლატფორმის საშუალებით ბუსსს ანრის ხარისხის განვითარებისა და უზრუნველყოფის სამსახურის უფროსმა რუსუდან დიასამიძემ, სასწავლო პროცესის მენეჯერმა მაია დავითიანმა და ადამიანური რესურსების მენეჯერმა ნათია დიასამიძემ წარმატებით გაიარა MASTER ტრენერის სასერტიფიკატო კურსი.

კურსს უძღვებოდა ზრდასრულთა განათლების ტრენერი ნინო ელბაქიძე, რომლის საავტორო პროგრამა MASTER ტრენერი ეფუძნება მაგდებურგის უნივერსიტეტის MASTER TRAINER მოდელს და შექმნილია იმ პროფესიონალებისთვის, ვისაც სურს საკუთარი სფეროში წამყვანი ტრენერის ხარისხისა და კომპეტენციის მიღწევა.

პროგრამა მონაწილეებს აძლევს შესაძლებლობას განივითარონ თანამედროვე, საერთაშორისო სტანდარტებზე მორგებული ტრენერული უნარები — როგორც ტრენერის პროფესიული გზის დასაწყებად, ასევე კარიერული ზრდისა და პროფესიული ავტორიტეტის გაძლიერებისთვის.

ბუსსს ანრის ხელმძღვანელობა მადლობას უხდის ზრდასრულთა განათლების საერთაშორისო ინსტიტუტს და ქალბატონ ნინო ელბაქიძეს მაღალ დონეზე ჩატარებული ტრენინგისთვის და ულოცავს ჩვენს სერტიფიცირებულ თანამშრომლებს MASTER ტრენერის სტატუსს.